Ийм мэнгийг авахуулж болохгүй! Яагаад гэвэл…


Ямар ч мэнгэгүй хүн гэж бараг л байхгүй. Мэнгэ нь дотроо хэлбэр, өнгө, хэмжээний хувьд харилцан адилгүй бөгөөд төрлөхөөс болон олдмолоор заяагдаж болно. Зарим мэнгэ хүний царай зүсийг чимж өгдөг бол зарим нь үзэшгүй муухай харагдуулдаг. Тиймээс гоо сайхныг нь гутааж буй мэнгээ авахуулахыг зарим хүмүүс хүсдэг билээ. Харин бид энэхүү нийтлэлдээ мэнгэ болон түүнийг авахуулах тухай мэргэжлийн эмч нарын зөвлөгөөг хүргэх  болно.

Ийм мэнгийг авахуулж болохгүй! Яагаад гэвэл...

1 Аюултай мэнгэ

Мэнгийг биеийн аль хэсэгт, ямар хэлбэрээр байгаагаас нь шалтгаалж эрт дээр үеэс сайн, муу зүйлсийн илэрхийлэл хэмээн үзсээр иржээ. Мэнгэний тухай ам дамжсан яриа маш олон байдгаас та ядаж нэгийг нь ч гэсэн сонссон биз ээ. Эдгээр үлгэр домгийн шинжтэй зүйлсээс гадна мэнгийг арай илүү шинжлэх ухаанч өнцгөөс харвал энэ нь арьсны аль нэг хэсэгт “пигмент”-ийн хэмжээ хэвийн хэмжээнээс их байх үзэгдэл юм. Харин мухар сүсгийн шинжтэй болон гоо сайхны хүчин зүйлээс хамаарч зарим мэнгийг зайлшгүй авахуулах хэрэгтэй болдог нь үнэн юм. Эмч нарын ярьж байгаагаар зарим мэнгэ нь эрүүл мэндэд сөргөөр нөлөөлдөг учраас зайлшгүй авахуулах хэрэгтэй байдаг.

Аюултай мэнгэ

2 Мэнгэтэй болох шалтгаан:

  • Удамшил
  • Хэт ягаан туяаны нөлөө: Нар болон хэт ягаан туяанд их өртдөг хүмүүст мэнгэ үүсэх нь бий.
  • Дааврын өөрчлөлт.

Мэнгэний хэмжээ нь үзэгдэх төдий жижгээс эхлээд маш том хүртэл янз бүрийн хэмжээтэй байх бөгөөд хэлбэрийн хувьд ихэвчлэн бөөрөнхий болон зууван байна. Түүнчлэн мэнгэний дээр болон эргэн тойронд нь үс байх нь элбэг.

Мэнгэтэй болох шалтгаан:

3 Мэнгэ яагаад аюултай байдаг вэ?

Төрөлхийн мэнгэ нь ихэвчлэн эрүүл мэндэд аюулгүй байна. Харин хожим гарсан мэнгэ буюу хувирч өөрчлөгдөж байгаа мэнгэ нь маш аюултай. Иймэрхүү мэнгэ нь ихэвчлэн биеийн байнгын даралт эсвэл үрэлт өгдөг газруудад буюу хөлийн ул, алга, мөр, гуяны дотор тал, суга зэрэгт байрладаг. Иймэрхүү газарт байрласан мэнгийг илүү томрохоос нь өмнө авахуулах хэрэгтэй гэж эмч нар зөвлөдөг байна.

Мэнгэ яагаад аюултай байдаг вэ?

4 Мэнгэ ямар үед аюултай болж эхлэх вэ?

-Хэлбэр, өнгө, хэмжээ нь гэнэт өөрчлөгдөх
-Нэг газар мэнгэ олноороо гарч эхлэх
-Загатнах, хүрэх үед өвддөг болох
-Цус гарах, үрэвсэх
-Захаараа арзгар болох
Эдгээр шинж тэмдгүүд нь: Ихэвчлэн төрөлхийн бус мэнгэ гарснаас хэдэн сарын дараа илэрч болох шинж тэмдгүүд юм. Мэнгэ өөрчлөгдөхөд цаг агаарын хүчин зүйлс буюу хэт ягаан туяанд байнга өртөх, арьс хуурайших зэрэг нөлөөлдөг. Мөн усанд орохдоо мэнгийг хамаагүй үрж угааж болдоггүй.

Мэнгэ ямар үед аюултай болж эхлэх вэ?

5 Мэнгийг авахуулах нь

Мэнгийг авахуулж болох эсэхийг зөвхөн эмчээс асууж байж шийдэх хэрэгтэй. Дээрх шинж тэмдгүүд илэрсэн мэнгүүд аюултай ч, зүгээр байгаа мэнгийг авахуулах нь аюултай байж болно. Мөн хүнд өвчтэй байгаа болон даралт ихсэх, дархлаа суларсан шинж илэрсэн хүмүүс мэнгээ хамаагүй авахуулж болохгүй. Ялангуяа жирэмсэн байх үедээ мэнгэндээ гар хүрч болдоггүй байна.

Харин та мэнгээ авахуулах эсэхээ хэрхэн шийдэхээ мэдэхгүй байвал гоо сайханчид биш, зөвхөн хавдрын эмчид л хандаарай! Мэнгэ нь дээр хэлсэнчлэн аюултай байж болох тул туршлагатай мэргэжилтэн, тусгай багаж хэрэгсэл ашиглан шинжилсний эцэст мэнгийг авч болох эсэхийг шийддэг. Мэнгийг ул үндсээр нь авахын тулд ихэвчлэн лазераар арилгадаг.
 

Лазераар мэнгэ авахуулахын давуу тал:
-Өвдөхгүй. Хэсэгчилсэн мэдээ алдуулалт хийнэ.
-Үр дүн нь баталгаатай.
-Мэнгэний эргэн тойрон дахь арьсыг гэмтээхгүй.
-Цус гаргахгүй.
-Шарх, сорив үлдэхгүй.