Хийлч Дээгий хагас сайн өдөр бүр шартаж байна уу


Монголд хийлийн урлагийг илүүтэй таниулсан хүн бол хийлч Дээгий буюу Ч.Дэлгэрцэцэг. Хэлэх гэснээ хэнээс ч эмээхгүйгээр хэлж, өөрийн үзэл бодлоо хээв нэг илэрхийлдэг түүнийг уншигчид хэзээнээс л андахгүй биз ээ. 

Монгол эмэгтэйн цэвэр ичимт­гий чанар, цусаа ариун байлгах эрхэм үүрэг зэрэг уламжлалт үзлээс тэс ондоо өөрийнхөөрөө амьдарч, түүгээрээ олны сонирх­лыг татдаг хийлч бүсгүй хүүхдүүдийн боловсролд ихээ­хэн анхаардаг. Иймдээ ч өөрийн эзэмшлийн хөгжмийн сургууль нээн ажиллуулдаг.

Эцэг эхчүүд ч шаард­лага өндөр, сургалт сайтай, бо­гино хугацаанд амжилтад хүргэх чадвартай хэмээн Дээгийгийн сургуулийг сонгодог гэсэн. 

Харин тэрбээр саяхан нэгэн чөлөөт нэвтрүүлэгт орох үеэрээ сургуулийнхаа талаар багахан ярьсан бөгөөд энэ үеэрээ хагас сайн болгонд хүүхдүүдэд хичээл, лекц уншихдаа үргэлж л шартсан байдалтай байдаг гэдгээ ний нуугүй ярьжээ.

Учир нь тэрбээр эрх чөлөөг эрхэмлэгч нэгэн бөгөөд ажлын стрессээ тайлахын тулд найз нөхдийн хамтаар шөнийн клуб ордог гэдгээ ярьсан юм.