Шүд цайруулах талаар мэдэж байх ёстой зүйлүүд


Сайхан үс, толигор арьстай болохыг хүсдэгийн адил мөн цагаан шүдтэй болохыг бараг бүх хүн хүсдэг. Шүд цайруулахад мэдэж байх ёстой зүйлийн талаар ярилцъя.

Шүдний өнгө юунаас шалтгаалдаг вэ?

Шүдний паалан доорхи дентинд байдаг нөсөө шүдний өнгийг тодорхойлдог. Хүмүүс шүдний өнгөн давхрагаас шүдний өнгө хамаардаг гэж боддог. Тийм биш. Эмаль буюу паалан нь шүдийг хоол зажилж байхаас үүсдэг сөрөг хүчлээс шүдийг хамгаалдаг үүрэгтэй. Мөн шүдэнд өнгөр тогтосноор чулуу үүсэж шүдний өнгө өөрчлөгддөг. Шүдний өнгөрийг мэргэжлийн цэвэрлэгээ хийлгэж арилгана. Шүдний өнгө арьсны өнгөнөөс шалтгаалдаг. Хэрвээ арьс, үсэнд шар нөсөө давамгайлж байвал шүд бараавтар туяатай байдаг. Заримдаа шүдний өнгийг тодорхойлход амаргүй байдаг. Хүний арьс бараан байх тусмаа шүд цагаан харагддаг. Хэрвээ төрөлхийн цайвар нөсөө давамгай бол хагас жилд нэг удаа мэргэжлийн цэвэрлэгээ хийхэд хангалттай. Өнөөдөр шүдний өнгө цайруулах олон арга бий болсон. Үүнтэй холбоотой худал үнэн яриа ч их байгаа.

Шүд цайруулах хортой юу?

Шүд цайруулахад муу гэсэн яриа их байдаг. Үнэн хэрэгтээ шүд цайруулах бүх үе шатыг баримтлавал шүд цайгаад зогсохгүй мөн илүү бат бөх болж, хэт мэдрэг чанар нь буурч, хорхойтох нь багасдаг. Канадская стоматология эмнэлгийн шүдний эрүүл ахуйч эмч Юлия Смирнова зөвлөж байна. Хэт цайлгаж үнэмшилгүй харагдах муухай. Энгийн эрүүл цагаан өнгө нүдэнд шууд тусахгүй ч инээмсэглэлийг тодруулж өгдөг. Цайруулхын өмнө бид заавал тусгай өнгөний сонголттой танилцаж тохирох өнгөө сонгодог. Гол нь эмчийн зөвлөгөөг шат үе бүхэнд даган мөрдөх. Тухайн хүнд эсрэг заалт, эрсдэл байгаа эсэхийг заавал тодруулан зөвлөлдөнө.

Аюулгүй шүд цайруулах үндсэн дүрэм

-Хамгийн түрүүнд амны хөндий эрүүл үед цайруулалт хийгдэнэ. Мөн буйлны үрэвсэлтэй эсэхийг харна.

-Цайруулахын өмнө мэргэжлийн цэвэрлэгээ хийж шүдний өнгөр, чулууг түүнэ. Шүдийг фторжуулж, гөлгөр болгоно. Үүний дараа эрдэсжүүлэх бодисоор шүдний пааланг бэхжүүлэх курс эмчилгээ хийнэ. Шүдний эрүүл ахуйч эмчийн зөвлөгөөний дагуу 2-3 долоо хоног гэртээ цэвэрлэгээ хийнэ. Энэ үе их чухал. Үүнээс цайруулалтын дараахь шүдний эрүүл ахуй их шалтгаалдаг.

-Цайруулалтын дараа 48 цаг цагаан дэглэм барьдаг. Будагтай хүнс хэрэглэхгүй. Улаан дарс, кофе, шоколад, жимсний шүүс ууж болохгүй.

Эх сурвалж: www.marieclaire.ru

error: Content is protected !!