Сологийн өмнө ба одоогийн дүр төрх /фото/


Урлагт Гурван охин хамтлаг нэгэн үе өөрсдийн өнгө төрхөөрөө сонсогчдоо татаж явсан. Анх тайзнаа гарч, олны танил болж байх үеийн Соло одоо өөр дүр төрхтэй болсон гэдгийг ажигч гярхай фэнүүд нь андахгүй мэднэ.

Дээрх зураг түүний одоо байгаа төрх нь. Хэсэг хугацаанд нам гүм байсан бүсгүй маань өнгөрсөн онд өөрийн соло уран бүтээлээ цацаж, урлагтаа эргэн ирсэн. Түүний гадаад төрх улам үзэсгэлэнтэй, стиль имиж улам гоё болсон талаар хүмүүс ярьсаар байгаа билээ.

Тэрбээр айлын ганц охин. Хоёр ахтай, нэг эрэгтэй дүүтэй. Гэр бүлд нь түүнээс өөр урлагийн хүн байхгүй гэсэн. Эмээ нь түүнийг Хөгжим бүжгийн коллежид элсүүлэхээр хөтлөж очоод шалгуулж байж. Д.Солонго ч тэнцэж, төгөлдөр хуурын ангид орж, улмаар дүүргэжээ. Тэрээр эмээгээ өөрийг нь урлагийн хүн болох замд оруулсан хүн хэмээсэн бол урлагт хөтлөсөн зүйлээ төгөлдөр хуураа гэсэн байна. Харин урлаг түүнийг тэвчээртэй байхад сургаж, үеийнхнээсээ эрт биеэ даан төлөвшихөд голчлон нөлөөлсөн гэнэ. Түүнийг сайн мэдэх хүмүүс их зарчимч, за гэвэл ёогүй хүн гэж ярьдаг.

Тэр анх ангийнхаа хүүхдүүдийн хамт Ирээдүйн одод тэмцээнд орж Гранпри шагналын эзэн болж байж. Тэндээс л 3 охин хамтлагаа байгуулах, өнөөдрийн амжилтаа олох суурь тавигджээ. Хамтлагаараа анх удаа тайзнаа гарсан тэр мөчид  Жаахны мөрөөдлөө ингээд л нэг өдөр биелүүлдэг юм байж гэж  бодон маш их баярлаж байснаа тэр дурссан байдаг.

Сонирхолтой нь, тэр тайзнаа гарах бүртээ сандардаг гэсэн. Хөтлөгч нэрийг нь зарлаад л  тайзан дээрээ гарах хүртэл бүх юм жингүйдээд байгаа юм шиг л мэдрэмж төрдөг аж. Соло үеийнхэнээсээ сүүлд хүний эхнэр болсон. Гэхдээ тэрбээр гэр бүлийнхээ хүнийг ихэд нууцалдаг юм. Олны хэл амнаас айдаг биз. Урлагийн хүмүүсийн амьдрал алган дээр тавьсан мэт ил байх нь басхүү учир дутагдалтай. Үүнийг ч тэрбээр дагадаг байж мэдэх юм.

error: Content is protected !!