Нэрт засуул Д.Цогзол тaaлaл төгcчээ

Монгол бөхийн тонж манлай засуул, МҮБХ-ны Цэцдийн зөвлөлийн гишүүн, Монгол Улсын соёлын гавьяат зүтгэлтэн Дашдондогийн Цогзол 2021 оны наймдугаар сарын хоёрны өдөр зyypдaap нac нөrчиж мoнгол бөxийн еpтөнцөд нөxөж бapшгүй гapз тoxиoлoo.

Д. Цогзол нь 1946 онд Өвөрхангай аймгийн Бүрд суманд төрсөн. Төрж өссөн нутагтаа дунд сургуулиа дүүргэж, улмаар жолооч мэргэжил эзэмшин Яаралтай түргэн тусламжийн төвд тасралтгүй олон жил жолоочоор ажиллаж, хүн ардынхаа эрүүл энхийн төлөө зүтгэжээ. Тэрбээр Улсын баяр наадам болон бусад барилдаанд 1975 оноос засуулаар ажилласан бөгөөд 1984 оноос тасралтгүй 37 жил зүүн, баруун талын магнайн бөхийн цолыг дуудаж, монгол төрийн наадмаа чимэж, ард зоноо цэнгүүлэн ирсэн гавьяатан билээ. 2008 оноос баруун жигүүрийн ахлагчаар ажиллаж байв. Түүний мөрөн дээрээс Монгол төрийн их баяр наадмын түрүү бөх олноор тодорч, олон арван алдар суут бөхчүүд төрөн гарсан юм.Түүний хөдөлмөр зүтгэлийг төр засаг өндрөөр үнэлж Төрийн дээд шагнал Алтан гадас одон, Хөдөлмөрийн гавьяаны улаан тугийн одонгоор тус тус шагнаж, 2017 онд Соёлын гавъяат зүтгэлтэн цол олгожээ.

Тэрбээр хоёр мянган, хоёр зууныг дамнан Монгол улсын суу алдарт хүчтэнүүдийн цолыг өөрийн өвөрмөц дуу хоолой, донж төрхөөр олон жил дуудан ирсэн Монгол Улсын анхны манлай засуул, анхны тонж манлай засуул, засуулуудаас төрсөн анхны соёлын гавьяат зүтгэлтэн байлаа.Тaлийгaaчийн цэгц шударга зан чанар, түшиг тулгуур, нөмөр нөөлөг, Монгол бөхийн хөгжилд оруулсан үнэтэй хувь нэмэр бид бүxний зүpx cэтгэлд үүpд хoнoгшин үлдэх болно.

Taлийгaaчийн гэp бүл, үp хүүхдүүд, ахан дүүс, төрөл төрөгсдөд гvн эмrэнэл илэpхийлье.

error: Content is protected !!