Төв аймагт КОВИД-р өвдсөн иргэн эдгэрч гараад дахин халдвар авсан гэх тохиолдол бүртгэгджээ

Төв аймгийн иргэн коронавирусийн халдвар аваад эмчилгээ хийлгэн бүрэн эдгэрч, эмнэлгээс гарсан ч 10 хоногийн дараа дахин халдвар авсан тохиолдол өчигдөр /2021.06.10/ гарлаа.

Тодруулбал, Төв аймгийн Жаргалант сумын 45 настай эрэгтэй өнгөрөгч тавдугаар сарын 22-нд коронавирусийн халдвар авсан нь батлагдаж, зургаан сарын 2-ныг хүртэл буюу 10 хоног Төв аймгийн Нэгдсэн эмнэлэгт эмчлүүлж байгаад гарчээ. Тухайн үед  Ковид-19 хүнд хэлбэр хоёр уушигны хатгалгаа, зүрхний төрөлхийн гажиг, анхдагч уушигны даралт ихсэлт хүнд зэрэг, ЦЭА В элэгний архаг үрэвсэл дунд идэвхижилтэй  оноштойгоо хэвтэн эмчлүүлсэн байна. 

      Улмаар тухайн иргэн зургадугаар сарын 10-ны өдөр  Жаргалант сумын Эрүүл мэндийн төвд  биеийн байдал хүнд 2 уушгинд битүү нойтон хэржигнүүртэй, амьсгалын дутагдалд орсон, халуурсан байдалтайгаар дахин коронавирусийн халдвараар өвчилсөн нь батлагджээ. Одоогоор уушигны хатгалгааны хүндэрсэн хэлбэр, амьсгал зүрхний дутмагшил оноштойгор эмчлэгдэж байна. 

error: Content is protected !!