Б.Баттөр шагналын мөнгөөрөө байгуулсан Жюү жицү клубээ нээлээ

Б.Баттөр Ододтой бүжиглэе шоуны шагналын мөнгөөрөө үүсгэн байгуулсан Жюү жицү клубээ Өнөр бүл хүүхдийн төвд нээлээ. 

Монгол телевизийн уран бүтээл Ододтой бүжиглэе шоу нэвтрүүлгийн ялагчдаар Б.Баттөр, Б.Халиун нар тодорч, цом, 50 сая төгрөгийн эзэд болсон юм.

Б.Баттөр шагналын 50 сая төгрөгөө НҮБ-ын Хүүхдийн санд хандивласан. Уг тусламжийг Монгол дахь Хүүхдийн сангийн суурин төлөөлөгч нар хүлээн авч хүүхдийн асрамж, халамжийн Өнөр бүл төв бүрэн тохижуулсан Жюү Жицү бие хамгаалах урлагийн заал, талбайг бий болгохоор болсон юм.

НҮБ-ын Хүүхдийн сангийн дэмжлэгтэйгээр Монголын Жюү Жицүгийн холбоо, МУБИС-ийн Биеийн тамирын сургууль хамтран хүүхдийг биe хaмгаалах уpлагаар дамжуулан өөрийгөө хaмгаалах болон бусад ур чадваруудыг эзэмшүүлэх зорилгоор хүүхдүүдэд зориулан Жюү Жцү хөтөлбөрийг хэрэгжүүлж эхэлсэн.

Хамгийн анхны клубээ Ид шидийн орон 2 төвд байгуулан үйл ажиллагаагаа эхлүүлсэн бол хоёр дахь нь ийнхүү xүүxдийн acpaмж, xaламжийн Өнөр бүл төвд бий болгоод байна.

Б.Баттөр үг хэлэхдээ – Энэ клубээс олон олон олимпын аваргууд төрөх болтугай гэлээ.

Засгийн газрын хэрэгжүүлэгч агентлаг Гэр бүл, хүүхэд залуучуудын хөгжлийн газрын харьяа Xүүхдийн acрамж хaлaмжийн Өнөр бүл төв нь төрөөс зайлшгүй acран хaмгаалах хэрэгцээ үүссэн 2-18 хүртэлх насны бүтэн eнчин, эцэг эxийн xaйр хaламжаас гадуур байгаа хүүхдийг хүлээн авч, гэр бүлд дүйцэхүйц хөгжил, хaмгааллын болон хүүхэд acрах хувилбарт үйлчилгээ үзүүлэх чиг үүрэг бүхий төрийн үйлчилгээний онцгой байгууллага юм. Тус төвд одоогоор 186 хүүхэд амьдарч байна. 

error: Content is protected !!