ШИНИЙН НЭГНИЙ ӨГЛӨӨ МӨР ГАРГАХ ЗҮГ

БАР ЖИЛД ТАНЫГ ЮУ ХҮЛЭЭЖ БАЙНА ВЭ?

Хулгана – 1936, 1948, 1960, 1972, 1984, 1996, 2008, 2020 Хулгана жилд төрсөн хүмүүс зорилгодоо хүрэхийн тулд хөдөлмөрлөж, хичээх шаардлагатай бөгөөд заримдаа амарч бусдаас туслалцаа авах хэрэгтэй. Бар жил таныг бусдад бүрэн итгэж болохгүйг сануулж байгаа ба у.рвалт амсаж магадгүй байна.

Үхэр – 1937, 1949, 1961, 1973, 1985, 1997 Урт удаан хугацаанд хүлээсэн хайрын амьдрал удахгүй хаалга тогших болно. Ажлаа цаг тухайд нь, сахилга баттай хийвэл амжилтад хүрнэ. Мөн энэ жил үл хөдлөх хөрөнгөд хөрөнгө оруулалт хийвэл ашигтай байх болно.

Бар – 1938, 1950, 1962, 1974, 1986, 1998, 2010, 2022Бар жил гарч байгаа ч гэсэн амьдрал тийм ч амархан байхгүй бололтой. Таны амьдралд олон олон төлөвлөөгүй асуудлууд, өөрчлөлтүүд гарч ирэх ч гэсэн та дасан зохицож чадна. Мөн таны хайрын харилцаа сайнгүй байх бөгөөд хэлхээсээ өмнө бодож, бодлогогүй шийдвэр гаргахаас зайлсхийх хэрэгтэй.

Туулай – 1939, 1951, 1963, 1975, 1987, 1999, 2011Энэ жил таны дотоод сэтгэл амар амгалан байх болно. Таны ажлын төлөвлөгөө бодсон шиг биелэхгүй байж болох бөгөөд тэвчээр маш их шаардана. Харин хайрын харилцаа 2022 онд хаалга тогших болно.

Луу – 1940, 1952, 1964, 1976, 1988, 2000, 2012 Луу жилтнүүд өөрийгөө удирдаж, маргаанаас зайлсхийхгүй бол сөрөг үр дагавартай нүүр тулж мэднэ. Мөн эрүүл мэнддээ анхаарч, үзүүлэх шаардлагатай байна.

Могой – 1941, 1953, 1965, 1977, 1989, 2001, 2013Могой жилтнүүд зөрүүд зангаа хойш тавьж бусдын зөвлөгөөг сонсдог болсон цагт амжилтад хүрч, сайхан мэдээ дуулна. Мөн хайрын харилцаагаа зохицуулахгүй бол хамтрагчаа гомдоож магадгүй.

Морь – 1942, 1954, 1966, 1978, 1990, 2002, 2014Амаралтын өдрүүд дуусч эхэлсэн зүйлээ дуусгах цаг иржээ. Бар жил танд гайхалтай боломжуудыг авчирч байна. Мөн машин барих, спортоор хичээллэх үедээ болгоомжтой байж анхаарлаа сулруулж болохгүй.

Хонь – 1943, 1955, 1967, 1979, 1991, 2003, 2015Та 2021 онд ихээхэн асуудалтай тулгарч, хэцүү цагийг туулсан бол энэ жил тэр бүх зүйлс шийдэгдэнэ. Хайрт хүнтэйгээ удахгүй учирч, хичээсэн ажлынхаа үр дүнг амсана. Мөн энэ жил гэнэтийн үйл явдалтай учирч болзошгүй тул мөнгөө сайн хадгал.

Бич – 1944, 1956, 1968, 1980, 1992, 2004, 2016Бич жилтнүүд сахилга баттай, өөдрөг сэтгэлгээтэй байвал эерэг үйл явдлаар дүүрэн байна. Гэнэтийн үйл явдал үргэлж бэлэн байхын тулд төлөвлөгөө гаргах хэрэгтэй.

Тахиа – 1945, 1957, 1969, 1981, 1993, 2005, 2017Энэ жилийн хамгийн таатай амьтан бол тахиа юм. Бар жил танд олон давуу талуудыг бие болгож санасан бүхнээ бүтээх боломжтой. Эрүүл мэнд болон төлөвлөсөн ажлаа хойшлуулж болохгүй бөгөөд цаг баримтлах хэрэгтэй.

Нохой – 1946, 1958, 1970, 1982, 1994, 2006, 2018Та бусдын зөвлөгөөг сонсож, юмсад тайвнаар хандаж чадвал энэ жил тийм ч хэцүү биш байна. Нохой жилтнүүд үнэнч хүмүүс байдаг бөгөөд энэ жил түүнийгээ харуулах хэрэгтэй. Асуудалд орохгүйн тулд болгоомжтой байх шаардлагатай.

Гахай – 1947, 1959, 1971, 1983, 1995, 2007, 2019Санхүүгийн байдал тань энэ жил нэлээд сайжирч бар жилийн давуу талыг мэдэрч эхэлнэ. Гэрээсээ гарч хүмүүстэй танилцаж явбал ганц бие хүмүүс хосоо олж чадна.

2022 ОНЫ МӨР ГАРГАХ ЗҮГ БА ЗАСАЛ НОМ

2022 оны зурхай Шашин шүтлэггүй хүн хүртэл 12 ордны зурхайг шимтэн сонирхдог нь нууц биш. Тэгвэл баярын уур амьсгал орсон энэ өдрүүдэд нэг их анзаардаггүй ч хүн бүрийн анхаарал, сонирхлыг татдаг зүйл бол ирэх жилийн зурхай байдаг.

Хонины орд. 3/21-4/19

2022 оны тавдугаар сард хонины ордныхонд аз амжилт тохионо. Энэ үеэр тэдэнд шинэ үйл эхлэх хүч чадал ирнэ гэж од эрхэс зөгнөжээ. Хэдийгээр санхүүгийн нөхцөл байдал сайжрах хэдий ч үл хөдлөх хөрөнгө худалдан авах хэрэггүй гэж зөвлөж байна. Үл хөдлөх хөрөнгөтэй холбоотой шийдвэрээ дараа жил хүртэл хойшлуулахыг зурхайч зөвлөжээ.

Зурхайд өгүүлснээр, 2022 он хонины ордныхонд олон таатай гэнэтийн бэлэг барих гэнэ. Чухамхүү ирэх бар жилд санхүүгийн тал дээр томоохон эргэлт гарч магадгүй аж.

Үхрийн орд 4/20-5/20

Ирэх онд шинэ дадал, чадвараа хөгжүүлэх шаардлагатай. Энэ ордныхон нөөц боломжоо зөв хуваарилж сурах шаардлагатай болох гэнэ. Бар жилд үхрийн ордныхон мөнгөө ухаалгаар зарцуулбал гагцхүү ашиг хонжоо олох гэнэ. Мөн шинэ мөнгөн урсгал орж ирнэ гэж зурхайч зөгнөжээ.

Од эрхсийн зөгнөлөөр, 2022 онд үхрийн ордныхонд хүнд хэцүү цаг үед түшиг тулгуур болох хүмүүс гарч ирэх гэнэ. Сүүлийн жилүүдэд үхрийн ордныхны хувийн амьдрал тийм ч таатай байсангүй. Гэхдээ ирэх жилд хайр дурлалын тал дээр од эрхэс ивээнэ гэж зурхай өгүүлжээ.

Ихрийн орд 5/21-6/21

2022 он ихрийн ордныхны хувьд өөртөө дүгнэлт хийх цаг үе. Энэ ордны хүмүүс дотоод дуу хоолойгоо сонсох хэрэгтэй гэж зурхай зөвлөжээ. Зурхайд өгүүлснээр, ихрийн ордныхны амьдралд саяхан шилжилтийн үе тохиожээ. Энэ нь ажлаа сольсон, хосоо сольсонтой холбоотой байж болох бөгөөд энэ нь ихрийн ордныхны мөн чанарыг өөрчлөх гэнэ.

Гэхдээ сайн тал руу юу эсвэл муу тал руу өөрчлөгдөх үү гэдгээ хүн өөрөө л сонгоно. Ихрийн ордныхон бол бусад ордныхноос хамгийн боловсролтой нэгэн. Тэд мэдрэмждээ хөтлөгдөх биш оюун ухаандаа найддаг хүмүүс. Гэхдээ ирэх онд арай өөр арга барилаар хөдлөхөд гэмгүй.

Мэлхийн орд. 6/22-7/22

Ирэх бар жил мэлхийн ордныхонд ивээлээ хүртээнэ. Гэхдээ тэд зүгээр суугаад ивээл хүртэх гэж горьдолгүй өөрөө зүтгэх ёстойг од эрхэс анхааруулжээ. Хуулийн асуудлаа бүгдийг нь 2022 оны эхний хагаст шийдвэрлэх нь зүйтэй гэж од эрхэс зөвлөжээ.

Мөн энэ үеэр аялалд гарахад сайн. Учир нь ирэх оны хоёрдугаар хагасаас эхлээд нөр их хөдөлмөр тэднийг хүлээж байна. Ирэх бар жилд ажил, ар гэрийнхээ асуудлыг тэнцүүлэн явахыг мэлхийн ордныхонд сануулсан байна.

Арслангийн орд. 7/23-8/22

Арслангийн ордныхон ирэх бар жилээс гагцхүү хамгийн сайныг нь шилж авна. Энэ ордныхон идэвхтэй, нөр их хөдөлмөр гаргаснаар илэрхий амжилтад хүрнэ гэж зурхайд өгүүлжээ. Ирэх онд арслангийн ордныхон эрч хүчээр дүүрэн байна. Тиймдээ ч энэ нь эхлүүлсэн ажлыг амжилттай дуусгах, сэтгэл санаагаа өөдрөг байлгахад туслах аж. Арслангийн ордныхны хувьд ирэх жил шинэ танилаар дүүрэн байна.

Хувь тавиланг өөрчлөх хүнтэй ч учирч мэднэ. Оны хоёрдугаар хагаст нөлөө бүхий хүнтэй уулзаж мэднэ, энэ хүн таныг ажил албан тушаалдаа урагшлахад тус болно хэмээн зурхайч өгүүлжээ. Түүнчлэн ирэх онд арслангийн ордныхон өөрийн гэсэн зан төрхтэй , өөрийгөө хүндэлдэг хүнтэй таарч магадгүй гэнэ. Түүнтэй танилцсанаар харилцаа холбоо гүнзгийрэх эсэхийг цаг хугацаа л харуулна.

Охины орд. 8/23-9/22

Карьераа шинээр эхлүүлэхэд одоо л тохиромжтой цаг. 2022 он охины ордныхны хувьд хөгжих шинэ замыг нээж байна. Энэ ордныхон 2022 онд чухал сонголт хийх хэрэгтэй болно. Зурхайд өгүүлснээр, 2022 онд охины ордныхон өөр хот руу эсвэл бүр өөр улс орон руу шилжих эсэх талаар шийдвэрлэх шаардлагатай болох гэнэ. Зөв шийд гаргаж чадвал хүрээллээ тэлж, сэтгэл санаагаа ч өөдрөг болгоно.

2022 он охины ордныхны хувьд шинэ харилцаа эхлүүлэхэд тохиромжтой цаг. Тэр дундаа зуны улирал нэн тааламжтай.

Жинлүүрийн орд. 9/23-10/22

Жинлүүрийн ордныхны хувьд ирэх жил сэтгэл догдлуулсан он болно. Ирэх онд аливаа өөрчлөлтөд тууштай хандах хэрэгтэй. Нэн ялангуяа санхүүгийн байдалд өөрчлөлт гарч магадгүй. Жинлүүрүүд зардлаа тооцож, илүүдэл зардлаа бууруулах хэрэгтэй. Хэмнэлт хийж, мөнгөө ухаалгаар зарцуулснаар ирэх онд үл хөдлөх хөрөнгө авах эсвэл гэр бүлдээ туслах боломж гарна.

Ирэх бар жилд удирдах ажил хийдэг жинлүүрийн ордныхон сайн ажилтан эсвэл туслах олж авна. Түүнчлэн 2022 онд ирээдүйтэй ажил хэргийн холбоо тогтоох хүмүүстэй танилцахыг од эрхэс зөгнөжээ.

Хилэнцийн орд. 10/23-11/21

Ирэх он тун идэвхтэй жил болно. Зурхайд өгүүлснээр хилэнцийн ордныхон бар жилд зүгээр суух цаг зав олдохгүй. Од эрхсийн зөвлөж байгаагаар хоёрдугаар сард ажил хэрэг эхлүүлбэл таатай байх гэнэ. Хилэнцийн ордныхон ажил хэрэг эхлүүлэхээ хойшлуулж болохгүй, учир нь энэ нь цаашдын амьдралд нөлөөлнө. 2022 он ажил хэргийн түншлэлд аз амжилт авчирна.

Эсрэг хүйсийнхэнтэйгээ харилцахдаа зан харилцаандаа анхаарахыг зурхай зөвлөсөн байна. Зарчмаа хэм хэмжээтэй байлгаж, хос болж мэдэх хүндээ боломж олгоорой. Ингэснээр нөгөө хүнээ сайн талаа харуулах боломж олгоно.

Нумын орд. 11/22-12/21

Нумын ордныхон яг л жилийн бэлгэдэл болох Бар шиг идэвхтэй орд. Гэхдээ энэ онд эрүүл мэнддээ анхаарч, гэр бүлдээ ихээхэн цаг зарцуулахыг од эрхэс зөвлөжээ. Энэ онд Нумын ордныхон аль болох их амарч, нойрсох дэглэмтэй болохыг зөвлөсөн байна.

Кофе, сэргээгч ундаа зэрэг таныг сэргээж мэдэх зүйлсээс зайлсхийж, сайтар унтаж амрахыг зөвлөжээ. Оны сүүлээр санхүүгийн асуудал гарвал үүнд самгардах хэрэггүй. 2022 онд санхүүгийн нөхцөл байдлаа тогтвортой болгож чадна. Нумын ордныхон төлөвлөөгүй байсан шагнал, эсвэл хөрөнгө өвлөж магадгүй.

Матрын орд. 12/22-1/19

Энэ онд амжилтад хүрэхийн тулд шаргуу ажилла. Идэвхтэй урагш хөдөлсөн хүмүүс л албан тушаалын шат ахих боломжтой. Хувийн бизнес эхлүүлэхээр төлөвлөж байсан бол энэ ажил хэргээ эхлүүлэхээс бүү ай. Гэхдээ ажил хэрэг танилын холбоо сүлбээнээс төдийгүй таны гадаад төрхөөс шалтгаална гэдгийг бүү мартаарай. Тиймээс хэв маяг дээрээ анхаар.

Түүнчлэн хэлэлцээ хийх сургалтад хамрагдахад ч илүүдэхгүй. Та хань ижлээ олох эсвэл зүгээр л эсрэг хүйсийнхээ хүнтэй танилцах хүсэлтэй бол хүмүүст тавьдаг шаардлагаа багасга. Ирэх онд романтикаар дүүрэн байх боломжтой хэдий ч бусдад хэт шалгуур тавьж ханддаг зангаас тань болж бүх зүйлийг нурааж мэднэ гэж зурхай анхааруулжээ. Өөрөөсөө болж насан туршийнхаа хайрыг ч алдаж болзошгүй хэмээн сэрэмжлүүлсэн байна.

Хумхын орд. 1/20-2/18

Ирэх бар жилд дараагийн 18 жилийн амьдралынхаа суурийг тавих үе тохионо. Үнэхээр амьдралаа холбох хүсэлтэй хүнтэй таарсан нөхцөлд л харилцаа бүтэлтэй болно. Жинхэнэ харилцаанд хэн нэгэн нь бэлэн биш бол хайр дурлалын холбоо нэг их удахгүй сарнина хэмээн зурхай өгүүлжээ. 2022 онд томоохон хөрөнгө худалдан авах төлөвлөгөөтэй байгаа бол оны эхний хагаст амжуулаарай.

Энэ нь танд ашиг тус авчирна. Харин суралцах, нэмэлт дамжаанд хамрагдах хүсэлтэй бол 2022 оны хоёрдугаар хагас хүртэл хойшлуулсан нь дээр. Амьдрах орчноо солих, нүүх бол мөн л 2022оны хоёрдугаар хагас хүртэл хойшлуулахыг зурхай зөвлөжээ.

error: Content is protected !!