Боксчин Төгсцогт охиныхоо зургийг ил болгов

6 сар 2, 20236 сар 2, 2023

Read Time:50 Second

Мэргэжлийн боксын IBO холбооны дэлхийн аварга, олимп, дэлхийн аварга шалгаруулах тэмцээний мөнгөн медальт, МУГТ Н.Төгсцогт жүжигчин Э.Энэрэлтэй үерхэж дотносоор тав гаруй жилийн хугацааг үдсэн.

Тэгвэл Э.Энэрэл 2021 онд амаржиж, хос хоёр охинтой болсон. Эр хүний хувьд хайртай үзэсгэлэнтэй гэргийгээсээ охинтой болсондоо маш их талархаж байгаа цахим хуудастаа бичиж байсан.

Анхны амьдралдаа цэг тавьсан Н.Төгсцогтыг эхнэрээ зоддог гэх мэдээлэл цахим орчинд шуугиж байсан ч тэрээр энэ тухайд өөрийн байр сууриа илэрхийлсэн удаа байхгүй. Рингэн дээр ур чадвараа харуулж, тун амжилттай тулалддаг боловч амьдрал дээрээ түүнийг хүншгүй зантай гэх нь ч бий.
Өхөөрдөм хөөрхөн төрхөөрөө олны хайр хүндэтгэлийг хүлээсэн Э.Энэрэл Төгсөөтэй нийлснээс хойш урлагаасаа хөндийрсөн гэхэд хилсдэхгүй.

Өсөх ирээдүйтэй гэгддэг тэрээр 17 насандаа “Зүрх зогсохгүй” кинонд гол дүр бүтээж, реклам сурталчилгааны захиалганд дарагддаг байсан удаатай. Өдгөө гэрийн эзэгтэй, залуу ээж болон завгүй шинэ амьдралдаа хөл тавиад завгүй явна.

Хамтын амьдралаа зохион охинтой болсон тэд анх төрөхөд нь охиноо харуулж байснаас хойш олноо харуулаагүй ч ийнхүү тэд хоёр жилийн дараа охиныхоо зургийг цахим хуудастаа оруулжээ.