Ч.Ундрамын нөхөр Б.Наранцацралт хүүхдүүдээ авахаар давж заалдана

6 сар 8, 20236 сар 8, 2023

Read Time:45 Second

УИХ-ын гишүүн Ч.Ундрамын гэр бүлийн харилцаа болон өсвөр насны охиноо зодож буй бичлэгийг нөхөр Б.Наранцацралт нь олон нийтийн сүлжээнд нийтэлсэн.

Ингэснээр төрийн түшээ эмэгтэйн хувийн асуудлууд ил болж, улмаар энэ гэр бүл хуулийн байгууллагад асуудлаа шийдүүлэхээр хандсан.

Тэгвэл анхан шатны шүүх хурал өчигдөр болжээ. Энэ тухай Б.Наранцацралт “Хүүхдүүдээ асран хамгаалалтандаа авч чадсангүй. Гэхдээ би давж заалдах болно. Олон нийтийн хараанд өртсөнөөс хойш ямарч байсан хүүхдүүд минь дахиж бие мах бодийн хүчирхийлэлд өртсөнгүй. Энэ их чухал байлаа. Бүх цаг үед сэтгэлийн дэм өгч байсан та бүхэнд баярлалаа” хэмээн нийтэлжээ.

Гэр бүл шүүхээр орж, салж байгаа тохиолдолд 7-гоос дээш насны хүүхдийн өөрийнх нь саналыг авдаг. Б.Наранцацралтын хүүхдүүд шүүх хурлын үеэр ээжтэйгээ байх сонголт хэлсэн байна.

Гэвч шүүх хурлын тов гарснаас хойш 14 хоногийн хугацаанд аавтай уулзуулахгүй, холбоо бариулахгүй, шүүх, 108, цагдаагийн байгууллага ч уулзах боломжроор хангаж өгөөгүйд гомдолтой, сэтгэл дундуур байгаагаа аав нь илэрхийлсэн.