Шинэхэн топ А.Сайхантамир

11 сар 20, 2023

Read Time:45 Second

“Гоёл 2024” наадмын шилдэг топ моделиор загвар өмсөгч А.Сайхантамир тодорлоо. Тэр 1995 оны зургадугаар сарын 25-ны өдөр төрсөн бөгөөд цэг эхээс 10-уулаа. Тэрбээр гурван эгч, гурван ах, нэг дүүтэй.

Түүний бага нас Хэнтий аймагт өнгөрсөн бөгөөд буриад ястан. Ёочин хөгжмөөр 14 жил хичээллэж, багаасаа урлагийн боловсрол эзэмшиж өсжээ.

Мисс, загвар өмсөгч бүсгүй 2016 онд Шинжлэх ухаан технологийн их сургуулийг эрчим хүчний инженер мэргэжлээр төгссөн. Анх 16 настайдаа Шилмэл загварын ордонд Г.Нармандах, Э.Сэлэнгээ багшийн шавь болж байжээ.

Тэрбээр “Мисс-Монголиа 2014” тэмцээнд оролцож, 18 настайдаа загварын ертөнцөд хөл тавьсан. Мөн 2014 онд болсон “Манжуурын мисс” тэмцээнд оролцож, гуравдугаарт шалгарахаас гадна “Шилдэг үндэсний хувцас” номинацийн эзэн болсон. Дараагаар нь “Буриадын мисс” тэмцээний тэргүүн миссээр шалгарч байжээ.

Түүнчлэн “Гоёл-2016” наадамд оролцож, дэд байрын шагналыг хүртэж байсан юм. “Дэлхийн авьяаслаг мисс”-ийн тэмцээнд оролцож, дэд байр эзэлсэн амжилтыг үзүүлж байв. Ингээд шинэхэн топын зургаас сонирхуулж байна.