“Гоёл 2023” наадмаар тодорсон шинэ ТОП модель Б.Баярцацрал

11-р сар 28, 202211-р сар 28, 2022

Read Time:56 Second

33 дахь удаагийн “Гоёл 2023” наадам өнөөдөр Шангри Ла зочид буудалд болж, шилдгийн шилдэг топ моделиор загвар өмсөгч Б.Баярцацрал шалгарлаа.

Мөн тус наадмын шилдэг эмэгтэй загвар өмсөгчөөр М.Нармандах, шилдэг эрэгтэй загвар өмсөгчөөр н.Ачтай нар тодорсон юм.

Жил бүрийн загварын чиг хандлагыг тодорхойлдог тус наадам өнгөрсөн хоёр жилийн хугацаанд цap тaxлын улмаас хойшилсны эцэст ийнхүү зохион байгуулагдаж, шилдгүүдээ тодруулав.

Энэ удаагийн наадамд эрэгтэй, эмэгтэй нийт 60 гаруй загвар өмсөгч шалгаран оролцож, шилдэг дизайнеруудын урласан шинэ брэндүүдийг тайзнаа амилууллаа.

Монголын дизайнеруудын холбооноос зохион байгуулдаг 35 жилийн түүхтэй наадмаар Монголын он оны топ модель, шилдэг дизайнерууд, шилдэг моделиуд, шилдэг үсчин, шилдэг нүүр будагчдыг уламжлал болгон шалгаруулдаг.

Энэ наадмын хамгийн сүүлд болсон арга хэмжээнд топоор Д.Долгион тодорч, нийт 20 топ модель нэрлэгдээд байсан билээ.

Хамгийн анх 2001 онд “Топ модель” гэх өргөмжлөл хүртээхэд мөнхийн залуу тодотголтой Э.Одгэрэл, мөн Азийн топ Д.Болормаа нар анхдагч болж байв. Сонирхуулахад, “Гоёл-2016” наадмаар хүн бүрийн догдлон байж хүлээдэг шинэ топ модель тодроогүй.

Хамгийн сүүлд “Гоёл-2019” наадмын топ моделиор загвар өмсөгч Н.Сарнай шалгарч байсан бол “Гоёл-2020’ наадмын топ моделиор загвар өмсөгч Д.Долгион өргөмжлөгдсөн юм.