Сэтгүүлч Б.Отгон: “Изинис Эйр Вэйз” ХХК чинь Тагнуулын дарга асан Б. Хурцын компани юм байна

1 сар 20, 20231 сар 20, 2023

Read Time:52 Second

Сэтгүүлч Б.Отгон цахим хуудаснаа Хөгжлийн банкнаас их хэмжээний зээл авсан Б.Хурцад хамааралтай компанийн талаар ийн бичжээ.

“Изинис Эйр Вэйз” ХХК чинь Тагнуулын дарга асан Б. Хурцын компани юм байна.

“Изинис Эйр Вэйз” компани Бойнг онгоц түрээсэлж олон улсын нислэг хийнэ хэмээн Хөгжлийн банкнаас 22,9 тэрбумын зээл аваад төлөөгүй байна. Тус компани Тагнуулын дарга асан Б. Хурцын компани ажээ.

Улсын бүртгэл дээр “Изинис Эйр Вейз” ХХК ийн 70 хувийг Б.Хурцын хамаатны дүү Т.Эрдэнэ , 30 хувийг Э. Золзаяа эзэмшдэг. Э. Золзаяа нь УИХ-ын гишүүн асан Б.Элдэв-Очирын охин, Б.Хурцын хүүгийн эхнэр буюу бэр нь ажээ. Хөгжлийн банкнаас тус компанийг зээл авах үед Э. Золзаяагийх аав нь УИХ-ын гишүүн, хадам аав нь Тагнуулын дарга байсан ажээ.

Тэд Хөгжлийн банкнаас зээл авангуутаа бусад арилжааны банк дахь зээлээ төлж, хувьцаа эзэмшигч Т. Эрдэнэ нь 1,7 тэрбумыг бэлнээр авч зарцуулжээ. Төрсөн ахдаа 100 саяыг шилжүүлсэн ч байх шиг…

Арилжааны банкны зээлийг төлж болдог. Харин Хөгжлийн банк түмнийх учраас төлдөггүй ээ!

ТАгнуулын дарга асан Б.Хурцыг дуудсан ч ирсэнгүй.