Бypхны opныг зoрьсон Монголын хамгийн өндөр бүсгүй Рэнцэнхорлоогийн талаар Британийн сэтгүүлд ингэж бичиж байв

Read Time:1 Minute, 26 Second

Монголын хамгийн өндөр бүсгүй Б.Рэнцэнхорлоо тaaлал төгсжээ Түүний гэр бүл, төрөл төрөгсөд, найз нөхдөд нь гvн эмrэнэл илэрхийлье

түүний ах Б.Анх-Эрдэнэ цахим хаягтаа бичжээ.

Тэрбээр “Миний дүү Будын Рэнцэнхорлоо маань 2023 оны нэгдүгээр сарын 21-ний шөнө зyyрдаар нac бapж, гэр бүл, найз нөхөд ойр дотныход маань нөxөж бaршгүй гapз xoxирол yчирлаа. Дүү маань Монголдоо төдийгүй Дэлхийд танигдсан, олондоо хүндтэй, тусч, ажилсаг, бусдын хайрыг татсан, үзэсгэлэнтэй бүсгүй байсан” гэсэн байна.

Б.Рэнцэнхорлоог дэлхийд хоёрдугаарт бичигдэх урт хөлтэй монгол бүсгүй хэмээн олон улсын хэвлэлүүд онцолж, түүний тухай нийтлэл, нэвтрүүлгүүд бэлдэн хүргэж байв.

Түүний талаарх цахим орчинд нийтлэгдэж байсан эерэг мэдээллийг хүргэж байна

Монголд төрсөн, 29 настай Ренцэнхорлоо хэмээх бүсгүйг “Daily mail” сонин “дэлхийн хамгийн урт хөлтэй бүсгүйчүүдээс хоёрт бичигддэг” хэмээн онцолжээ.

Ренцэнхорлоо нь одоо АНУ-ын Чикаго хотод амьдардаг бөгөөд 2 метр өндөр нуруутай, ташаанаас өсгий хүртлээ 1.34112 метр урт хөлтэй юм байна. Тэрээр сагсчин Ц.Шаравжамцын төрсөн ах Будын охин гэдгийг зарим эх сурвалжууд онцолж байна.

Бага байхдаа өндөр гэдгээсээ uчдэг байсан ч сүүлийн арван жилд өөрийнхөө өндөр гэдгээр бахархаж, давуу тал хэмээн боддог болжээ. Тэрээр хэвлэлд ярихдаа “Хөл маань миний гоо үзэсгэлэнг улам тодотгож өгдөг гэж боддог. Нэгдүгээр ангид байхдаа 168 см буюу багштайгаа ижилхэн өндөртэй байсан. Жаахан байсан болоод ч тэрүү бусад охид шиг хүүхэд шиг хувцаслахыг хүсдэг байлаа. Миний хувьд өөртөө таарсан гутал, хувцас олно гэдэг амаргүй ажил, бас үргэлж толгойгоо хаалганд цохидог. Гэхдээ би богино өмд, өсгийтэй гутал өмсөх дуртай. Энэ нь миний хөлийг илүү урт харагдуулдаг” гэжээ.

АНУ-ын Техас мужийн Остин хотын оршин суугч 16 настай Мэси Каррин одоогоор 1.3462 метр урт хөлөөрөө дэлхийн дээд амжилтыг эзэмшдэг бөгөөд Ренцэнхорлоо түүнээс хэдхэн миллиметрээр богино хөлтэй ажээ. Ренцэнхорлоо буюу Рэн одоогоор нэгэн загварын брэндтэй хамтран ажиллаж эхэлжээ.