Дагвадоржийг ЯПОН-д саатуулсан уу

Read Time:1 Minute, 16 Second

Д.Дагвадоржийг ХААН банкны хувьцаа болон хэд хэдэн асуудлаар Япон улсад саатуулсан гэх мэдээлэл гараад буй билээ.
Ассашёрюү Д.Дагвадоржийг Япон улсад сaaтуулан хopьж, шaлгаж эхэлсэн талаар мэдээлэл цахим орчинд гараад буй.

Тэгвэл түүнийг “ХААН банкны хувьцаа болон хэд хэдэн асуудлаар шaлгaж байгаа” гэдгийг нэлээдгүй эх сурвалж хэлж байна. Энэ талаар өөрөөс нь тодруулга авах зорилгоор залгахад “Холбогдох боломжгүй байна” гэх хариуг өгч байна.
Аса аварга нэгдүгээр сарын 28-нд болсон Японы мэргэжлийн сумогийн 69 дэх Их аварга Хакүхо М.Даваажаргал аваргын зодог тайлах, үсээ засуулах ёслолд оролцоогүй нь энэхүү хардлага төрүүлэх бас нэгэн шалтгаан болж буй.

Тус ёслолд Дархан аварга Б.Бат-Эрдэнэ, Г.Өсөхбаяр, Улсын аварга Ч.Санжаадамба, тод манлай уяач Д.Даваахүү, улсын заан Д.Бумбаяр, Ерөнхийлөгч асан Н.Энхбаяр, УИХ-ын гишүүн Ж.Чинбүрэн, говийн ноён хутагт Данзанлувсантүдэв тэргүүтэй зочид хүрэлцэн очсон ч тэдний дунд Аса аварга харагдаагүй нь олны анхаарлыг татаж байсан.

Д.Дагвадоржийн хувьд өнгөрсөн жилээс эхлэн ХААН банкны хувьчлалын асуудалтай хэд хэдэн удаа нэр холбогдсон нэгэн. Энэ талаар Сангийн сайд Ч.Хүрэлбаатар тухайн үед “Д.Дагвадорж намайг Увсын п.., дөрвөд, aлнa, тaлнa гэж баахан дөвчuгнөсөн. Би түүнээс “ХААН банкны 60 хувийг хэн авав, цэвэp мөнгө үү” гэж асуусан. Гадаадууд авах гэж байгаа гэсэн. Гадаадууд авах юм бол дотоодууд над руу дaйраад байдаг учир юу вэ? Хөлcний хэдэн “мoяа” тoлгойлоод дaйрч байна. 2 дахь xaмсаатан үcрээд гараад ирлээ. Хүлээгээд бүртгээд сууж байя даа” гэж байсан удаатай.

Хэдий ийм яриа гарсан ч зарим эх сурвалжууд түүнийг Өвөрхангай аймгийн Хархорин суман дахь Аса ланд жуулчны бааздаа байгаа хэмээж буй билээ.