Төв аймгийн Зуунмод хотод битүү дээвэртэй хөлбөмбөгийн талбай нээгджээ

5-р сар 25, 20235-р сар 25, 2023

Read Time:50 Second

Төв аймгийн Зуунмод хотод битүү дээвэртэй хөлбөмбөгийн ийм гоё талбай нээгдэж багагүй хугацааг үдэж байгаа юм байна. Өндрийн хувьд дээшээ 27 метр буюу есөн давхар байшинтай адилхан, талбайн урт нь 100 метр, өргөн нь 70 метртэй олон улсын стандарт талбай гэсэн үг.

Гадаа ямар ч хүйтэн, халуун байсан гэсэн дунджаар 10 гаруй хэмээ барьдаг юм байна.

Бас нэг гоё зүйл нь нэг зэрэг 70 хүртэлх хүнд үйлчлэх байр, хоноглох өрөө, 80 хүртэлх хүнд үйлчлэх хоолны газар, 40 орчим хүний хурлын өрөөнүүдтэй юм байна. Спорттой холбоотой бизнес, сургалтын маш олон арга хэмжээг хослуулан хийх боломжтой ажээ. Дараа нь заавал гэр бүл, хамт олноороо тухтай ирэх газар байна.

Олон Улсын Тусгай Олимпын хороо болон Зүүн Азийн бүсийн удирдлага Монголд бүсийн хэмжээний төдийгүй дэлхийн хэмжээний уралдаан тэмцээн зохион байгуулахад бэлэн болсон байгааг онцолж, удахгүй бүсийн спортын тэмцээн болон удирдлагын хурал зөвлөгөөнийг Монголд хийх ёстой гээд хэлэлцээд явлаа даа.

Энэ төвийн хамт олон Монголын Тусгай Олимпын хөлбөмбөгийн баг тамирчдыг хүлээн авч эндээ байрлуулан Берлинд болох зуны олимпын бэлтгэлийг хангуулж байна.

Баярлалаа!